മൂർക്കോത്ത് കുമാരൻ അനുമരണം

കേരളത്തിലെ ഒരു പ്രശസ്തനായ എഴുത്തുകാരനും സാമൂഹികപരിഷ്കർത്താവും ആയിരുന്നു മൂർക്കോത്ത് കുമാരൻ. മലയാളത്തിലെ ആദ്യകാല ചെറുകഥാകൃത്തുകളിലൊരാളായ മൂർക്കോത്ത് കുമാരൻ ലളിതവും പ്രസന്നവുമായ ഗദ്യശൈലി മലയാളത്തിൽ അവതരിപ്പിച്ച എഴുത്തുകാരനായിരുന്നു. കണ്ണൂർ ജില്ലയിലെ തലശ്ശേരി സ്വദേശിയാണ്‌.മൂർക്കോത്ത് രാമുണ്ണിയുടേയും കുഞ്ഞിച്ചിരുതേയിയുടേയും മകനായി 1874 ജൂൺ 9-ന് ജനനം. പ്രഗല്ഭനായ അധ്യാപകൻ,സാംസ്കാരിക നായകൻ,സർവ്വോപരി ശ്രീനാരായണഗുരുവിന്റെ ശിഷ്യൻ. ഗജകേസരി, ദീപം, മിതവാദി, സരസ്വതി, കേരളചിന്താമണി എന്നീ പത്രങ്ങളുടെ പത്രാധിപരായിരുന്നു. മലബാർ പ്രദേശത്ത് ശ്രീനാരായണ സന്ദേശങ്ങൾ പ്രചരിപ്പിക്കുന്നതിൽ അർപ്പണബോധത്തോടെ പ്രവർത്തിച്ചു. 1941-ൽ അന്തരിച്ചു

തലശേരിയിലെ ഈഴവ കുടുംബത്തിൽ മൂർക്കോത്ത് രാമുണ്ണിയുടേയും കുഞ്ഞിച്ചിരുതേയിയുടേയും മകനായാണ് 1874 ജൂൺ 9-ന് അദ്ദേഹം ജനിച്ചത്. എസ്.എൻ.ഡി.പി. യോഗത്തിൻറെ രണ്ടാമത്തെ ജനറൽ സെക്രട്ടറി ആയിരുന്നു,^{[അവലംബം ആവശ്യമാണ്]}എന്നാൽ ജഡ്ജ് ആയി നിയമനം കിട്ടിയതിനാൽ അധികം കാലം ഈ സ്ഥാനത്ത് ഇദ്ദേഹത്തിന് തുടരുവാനായില്ല.^{[അവലംബം ആവശ്യമാണ്]}